श्री समर्थ सेवा
मंडळाचे कार्यक्रम

श्रीसमर्थ पादुका प्रचार दौरा

लोकांना समर्थांची आणि त्यांच्या तत्वज्ञानाची ओळख व्हावी, समर्थभक्तीने लोककल्याण व्हावे, सर्वत्र ‘जय जय रघुवीर समर्थ’ घोष गर्जावा अशा उद्देशाने, आपणच श्रीसमर्थांच्या पादुका घेऊन लोकांपर्यंत पोहोचावे, अशी अत्यंत स्तुत्य कल्पना कै. बाबुराव वैद्यांना सुचली. त्यानुसार, इ.स. १९५० साली, पहिला ‘पादुका प्रचार दौरा’ पुणे, मुंबई, दिल्ली, बद्रीनाथ, काशी ह्या ठिकाणी आयोजित केला गेला. आजतागायत, गेली ७१ वर्षे हा दौरा प्रतिवर्षी ७० ते ७५ दिवस आयोजित केला जातो.

चातुर्मास प्रवचन

प. पू. समर्थांच्या व श्रीधर स्वामींच्या पदस्पर्शाने पावन झालेल्या शाहू नगरीमधील (सातारा) ‘समर्थ सदन’ येथे चातुर्मास कार्यक्रमांचे आयोजन करण्यात येते. या उपक्रमांतर्गत महाराष्ट्राच्या विविध भागातून नामवंत कीर्तनकार, प्रवचनकार, व्याख्याते व कलाकार येथे हजेरी लावतात.

पारंपरिक पद्धतीने प्रातःकाळी नामस्मरण, महापूजा, लघुरूद्र इ. धार्मिक कार्यक्रमाचे आयोजन करण्यात येते. संत ज्ञानपीठाच्या वतीने वर्षभरात विविध कार्यक्रमांचे आयोजन सातत्याने केले जाते. हे सर्व कार्यक्रम लोकाश्रयावर चालतात. समर्थ भक्तांनी या सांस्कृतिक कार्यक्रमास सढळ हस्ते आर्थिक सहाय्य करावे, ही विनंती.